ಮಂಗಳೂರು/ತೆಲಂಗಾಣ : ಇನ್ನೇನು ಕೆಲವೇ ದಿನಗಳಲ್ಲಿ ಹಸೆಮಣೆ ಏರಬೇಕಿದ್ದ ವಧುವಿನ ಮನೆ ಕುಟುಂಬ ಸಮೇತ ಸ್ಮ*ಶಾನವಾದ ಆಘಾತಕಾರಿ ಘಟನೆ ತೆಲಂಗಾಣ ರಾಜ್ಯದ ನಿರ್ಮಲ್ ಜಿಲ್ಲೆಯ ಬಸರಾದಲ್ಲಿ ಸಂಭವಿಸಿದೆ.

ಗೋದಾವರಿ ನದಿಗೆ ಜಿಗಿದ ಯಾದಾದ್ರಿ ಭುವನಗಿರಿ ಜಿಲ್ಲೆಯ ಮೋತ್ಕೂರಿನ ಉಪ್ಪಲಿಂಚಿ ವೇಣು (54) ಮತ್ತು ಅವರ ಪುತ್ರಿ ಸಾ*ವನ್ನಪ್ಪಿದರೆ, ಪತ್ನಿ ಅನುರಾಧನನ್ನು ಗಂಗಾಪುತ್ರ ಸ್ಥಳೀಯರು ಪ್ರಾ*ಣಪಾಯದಿಂದ ಪಾರು ಮಾಡಿದ್ದಾರೆ.

ದಾಂಪತ್ಯ ‘ಎರಡನೇ ಹೊಸ ಜೀವನ’ :

ಪ್ರತಿಯೊಬ್ಬರ ಜೀವನದಲ್ಲಿ ದಾಂಪತ್ಯ ಜೀವನ ಸಾವಿರಾರು ಕನಸುಗಳಿಂದ ಕೂಡಿದ್ದು, ರಂಗುರಂಗಾಗಿರುತ್ತವೆ. ಮದುವೆ ಅನ್ನೋ ಪದ ಕೇಳಿದಾಕ್ಷಣ ಅನೇಕರು, ತಮ್ಮ ಹುಡುಗಿ-ಹುಡುಗ ಹೀಗಿರಬೇಕು, ಹಾಗಿರಬೇಕು ಎಂಬ ಹತ್ತಾರು ಆಸೆಗಳನ್ನು ಹೊಂದಿರುತ್ತಾರೆ. ಎಲ್ಲರ ಬಾಳಿನಲ್ಲೂ ಮದುವೆ ಎಂಬುದು ‘ಎರಡನೇ ಹೊಸ ಜೀವನ’ವೇ  ಆಗಿರುತ್ತದೆ.

ದಾಂಪತ್ಯ ಜೀವನಕ್ಕೆ ಕಾಲಿಡುವ ವಧುವಿಗೆ ಅಪಾರ ಕನಸು ಮತ್ತು ತ್ಯಾಗಗಳಿರುತ್ತವೆ. ತಾನು ಬೆಳೆದು, ಬಾಳಿದ ಮನೆ, ಹೆತ್ತವರನ್ನು ಬಿಟ್ಟು ಹೊಸ್ತಿಲು ದಾಟುವ ಹೆಣ್ಣುಮಗಳ ಕಣ್ಣೀರು, ಬಿಸಿ ಉಸಿರು ಹಲವು ನೋವುಗಳನ್ನು ಹೇಳುತ್ತಿರುತ್ತದೆ. ಇಂತಹ ಮನಸ್ಸಿಗೆ ಹಿಂಸೆ, ಘಾಸಿಯನ್ನುಂಟು ಮಾಡುವ ಘಟನೆಯಿಂದ ಸಾವಿಗೀಡಾಗುವ ಮುಖೇನ ತಮ್ಮೆಲ್ಲಾ ಕನಸು, ಆಸೆಗಳನ್ನು ಅರ್ಧಕ್ಕೆ ಮೊಟುಕುಗೊಳಿಸುವುದು ನಿಜಕ್ಕೂ ದುಃಖಕರ ಸಂಗತಿಯಾಗಿದೆ.

ಮದುವೆಯ ಮೊದಲ ಹೆಜ್ಜೆ ‘ಸಾಲ’ :

ತಮ್ಮ ಮನೆಯ ಹೆಣ್ಣುಮಗಳನ್ನು ಮತ್ತೊಂದು ಮನೆಗೆ ಕಳಿಸುವಾಗ ಹೆತ್ತವರಿಗೆ ಆತಂಕ, ನೋವು ಕಾಡುತ್ತಿರುತ್ತದೆ. ಇದೆಲ್ಲವೂ ಮುಂಚಿತವಾಗಿಯೇ ತಿಳಿದಿದ್ದರೂ ಸಹ ಆಕೆಯ ಮದುವೆ ಸಮಾರಂಭವನ್ನು ಅದ್ಧೂರಿಯಾಗಿ ನೆರವೇರಿಸಲು ಪೋಷಕರು ಯೋಚಿಸುವ ದಾಟಿ, ಮಾಡುವ ತ್ಯಾಗಗಳು ಅಪಾರ. ಗಂಡನ ಮನೆಗೆ ಕಳಿಸುವ ಹೆತ್ತವರು, ಮಗಳ ಭವಿಷ್ಯಕ್ಕಾಗಿ ಆಕೆ ಹುಟ್ಟಿದಾಗಿನಿಂದಲೂ ಒಂದಲ್ಲ ಒಂದು ತ್ಯಾಗಗಳನ್ನು ಮಾಡಿಕೊಂಡು ಬಂದಿರುತ್ತಾರೆ. ಇನ್ನು ಅವಳು ಮದುವೆಗೆ ಬಂದ ಸಮಯದಲ್ಲಿ ಅವಳನ್ನು ಮನೆಯಿಂದ ಕಳಿಸಿಕೊಡುವ ತ್ಯಾಗವನ್ನು ಒಲ್ಲದ ಮನಸ್ಸಿನಿಂದ ನಿರ್ವಹಿಸುತ್ತಾರೆ. ಈ ಮಧ್ಯೆ ಆಕೆಯನ್ನು ಖುಷಿ ಖುಷಿಯಿಂದ ಕಳಿಸಿಕೊಡಬೇಕು ಎಂಬ ಬಯಕೆ ಪೋಷಕರದ್ದು. ಇದಕ್ಕಾಗಿ ಮಧ್ಯಮ ವರ್ಗದ ಕೆಲವು ಕುಟುಂಬ ಇಡುವ ಮೊದಲ ಹೆಜ್ಜೆಯೇ ‘ಸಾಲ’ ಮಾಡುವುದು.

ಎರಡನೇ ಮಗಳ ಮದುವೆ ಕನಸು :

ಇತ್ತೀಚೆಗಷ್ಟೇ ಎರಡನೇ ಮಗಳ ಎಂಗೇಜ್ಮೆಂಟ್ ಅಚ್ಚುಕಟ್ಟಾಗಿ ಮಾಡಿ ಮುಗಿಸಿದ್ದ ಪೋಷಕರು, ಮದುವೆಯನ್ನು ಮಾತ್ರ ಅದ್ಧೂರಿಯಾಗಿ ಮಾಡಬೇಕೆಂದು ನಿರ್ಧರಿಸಿದ್ದರು. ವೇಣು ಎಂಬ ವ್ಯಕ್ತಿ, ಸಣ್ಣ ಗಿರವಿ ಅಂಗಡಿ ನಡೆಸಿಕೊಂಡು ಜೀವನ ಸಾಗಿಸುತ್ತಿದ್ದರು. ಈ ವೇಳೆ ಮೊದಲ ಪುತ್ರಿ ಮದುವೆಯಾಗಿ, ನಾಲ್ಕು ವರ್ಷಗಳು ಕಳೆದ ಮೇಲೆ ತೀವ್ರ ಅ*ನಾರೋಗ್ಯಕ್ಕೆ ತುತ್ತಾದ ಆಕೆ, ಆ*ತ್ಮಹತ್ಯೆಗೆ ಶರಣಾಗಿದ್ದಳು. ಇನ್ನು ಎರಡನೇ ಮಗಳ ವಿವಾಹದ ಬಗ್ಗೆ ಸಾಕಷ್ಟು ಕನಸು ಕಟ್ಟಿದ್ದ ವೇಣು, 3 ಲಕ್ಷ ರೂ. ಸಾಲ ತೆಗೆದುಕೊಂಡಿದ್ದರು.

ಸಾಲದ ಚಿಂತೆಯಲ್ಲಿ ಸಾವು :

ಇನ್ನೇನು ಮಗಳ ಮದುವೆಗೆ ಕೆಲವು ದಿನಗಳಷ್ಟೇ ಬಾಕಿ ಉಳಿದಿದೆ ಎನ್ನುವಷ್ಟರಲ್ಲಿ ಸಾಲಗಾರರು ಹಣ ಕೊಡುವಂತೆ ಒತ್ತಾಯ ಹೇರಿದ್ದರು. “ಮಗಳಿಗೆ ಮದುವೆ ಫಿಕ್ಸ್ ಆಗಿದೆ, ಆದಷ್ಟು ಬೇಗ ತೀರಿಸುತ್ತೇವೆ. ಸ್ವಲ್ಪ ಕಾಲಾವಕಾಶ ಕೊಡಿ” ಎಂದು ಅಂಗಲಾಚಿ ಬೇಡಿಕೊಂಡರೂ ಕರಗದ ವ್ಯಕ್ತಿಗಳು, ಅವಾಚ್ಯ ಪದಗಳಿಂದ ನಿಂದಿಸಿ, ವಿಪರೀತ ಕಿರುಕುಳ ಕೊಟ್ಟಿದ್ದಾರೆ. ಈ ನೋವನ್ನು ತಾಳಲಾರದ ವೇಣು, ತಮ್ಮ ಪತ್ನಿ ಅನುರಾಧ ಮತ್ತು ವಿವಾಹ ನಿಶ್ಚಯವಾಗಿದ್ದ ಮಗಳನ್ನು ಕರೆದುಕೊಂಡು ಗೋದಾವರಿ ನದಿಗೆ ಹಾರಿದ್ದಾರೆ.

ಪತ್ನಿ ಅನುರಾಧನನ್ನು ಬದುಕುಳಿಸಿದ ಸ್ಥಳೀಯರು ಘಟನೆಯ ಕುರಿತು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ತಕ್ಷಣವೇ ಸ್ಥಳಕ್ಕಾಗಮಿಸಿದ ಸ್ಥಳೀಯ ಪೊಲೀಸರ, ಮೃತದೇಹಗಳನ್ನು ವಶಕ್ಕೆ ಪಡೆದಿದ್ದು, ತನಿಖೆ ನಡೆಸುತ್ತಿದ್ದಾರೆ.