ಮಂಗಳೂರು: ಮೂಡಬಿದ್ರೆ ತಾಲೂಕಿನ ಪಡುಮಾರ್ನಾಡು ಗ್ರಾಮದ ಬನ್ನಡ್ಕದ ಕಾರ್ಖಾನೆಯಿಂದ ಪರಿಸರದಲ್ಲಿ ಪರಿಸರ ಮಾಲಿನ್ಯ ಉಂಟಾಗುತ್ತಿದ್ದು, ಈ ಬಗ್ಗೆ ಸ್ಥಳೀಯ ನಿವಾಸಿಗಳು ಮಂಗಳೂರಿ ನಲ್ಲಿರುವ ಪರಿಸರ ಮತ್ತು ಮಾಲಿನ್ಯ ನಿಯಂತ್ರಣ ಮಂಡಳಿಗೆ ಮನವಿ ಸಲ್ಲಿಸಿದರು.

ಬೆಂಗಳೂರು ಮೂಲದ ಎಸ್‌ಕೆಎಫ್ ಬಾಯ್ಲರ್ ಮತ್ತು ಡ್ರೈಯರ್‌ ಕಾರ್ಖಾನೆಯಿಂದ, ಪರಿಸರದಲ್ಲಿ ಪರಿಸರ ಮಾಲಿನ್ಯ ಉಂಟಾಗುತ್ತಿದ್ದು,

ಈ ಬಗ್ಗೆ ಕಾರ್ಖಾನೆಗೆ ಹಲವಾರು ಬಾರಿ ಮನವಿ ನೀಡಿದ್ದು,
ನಂತರ ಸ್ಥಳೀಯ ಪಂಚಾಯತ್ ಕಚೇರಿಗೂ ಮನವಿ ನೀಡಿದರೂ ಸಮಸ್ಯೆಗೆ ಸ್ಪಂದಿಸದ ಕಾರ್ಖಾನೆಯ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದರು.

ಸ್ಥಳೀಯ ನಿವಾಸಿಗಳ ನಿಯೋಗ ಇಂದು ಮಂಗಳೂರಿನಲ್ಲಿರುವ ಪರಿಸರ ಮತ್ತು ಮಾಲಿನ್ಯ ನಿಯಂತ್ರಣ ಮಂಡಳಿಗೆ ಮನವಿ ಸಲ್ಲಿಸಿ ಕಾರ್ಖಾನೆಯಿಂದ ಪರಿಸರದಲ್ಲಿ ಆಗುವ ಸಮಸ್ಯೆ,

ಪೈಂಟ್‌ನಿಂದ ಗಾಳಿಯಲ್ಲಿ ಬರುವ ತೀಕ್ಷ್ಣ ವಾಸನೆ, ತಾಜ್ಯ ನೀರಿನ ಹರಿವು, ಇದರಿಂದ ಪರಿಸರದ ಆರೋಗ್ಯದ ಮೇಲೆ ಬೀರುವ ದುಷ್ಪರಿಣಾಮ ಬಗ್ಗೆ ದೂರಿದರು.

ಈ ಹಿಂದೆ ಸ್ಥಳೀಯ ಪಂಚಾಯತ್ ಎಚ್ಚರಿಕೆ ನೀಡಿ, ನೋಟಿಸ್ ನೀಡಿದ್ದರು ಯಾವುದೇ ಕ್ರಮ ಕೈಗೊಳ್ಳದಿದ್ದ ಕಾರಣ ಗ್ರಾಮಸ್ಥರನ್ನು ಸೇರಿಸಿ ಸಮಸ್ಯೆ ಬಗೆಹರಿಸುವಂತೆ ತಿಳಿಸಿ ಆರು ತಿಂಗಳ ಹಿಂದೆಯೇ ಉಗ್ರ ಪ್ರತಿಭಟನೆ ನಡೆಸುವುದಾಗಿ ಎಚ್ಚರಿಕೆ ನೀಡಿದ್ದವು.

ಆದರೂ ಸ್ಪಂದಿಸಿಲ್ಲ. ಈಗ ಪರಿಸರ ವಾಯು ಮಾಲಿನ್ಯ ನಿಯಂತ್ರಣ ಮಂಡಳಿಯ ಅಧಿಕಾರಿಗಳು ಶೀಘ್ರವಾಗಿ ಸ್ಥಳಕ್ಕೆ ಬೇಟಿ ನೀಡಿ ಸಂಪೂರ್ಣ ಮಾಹಿತಿ ಪಡೆದು ಸೂಕ್ತ ಕ್ರಮ ಕೈಗೊಳ್ಳಬೇಕು, ಇಲಾಖೆ
20 ದಿನಗಳಲ್ಲಿ ಸೂಕ್ತ ಕ್ರಮ ತೆಗೆದುಕೊಳ್ಳಬೇಕು.

ಇಲ್ಲದಿದ್ದರೆ ಮುಂದಿನ ಕ್ರಮವಾಗಿ ಕಾರ್ಖಾನೆ ಎದುರು ಅಮರಣಾಂತ ಉಪವಾಸ ಸತ್ಯಾಗ್ರಹ ಮಾಡುತ್ತೇವೆ ಎಂದು ನಿಯೋಗದ ಪ್ರಮುಖರು ಮನವಿ ಮಾಡಿದರು.
ಮನವಿ ಸ್ವೀಕರಿಸಿದ ಪರಿಸರ ಇಲಾಖೆಯ ಅಧಿಕಾರಿ ಕೀರ್ತಿ ಕುಮಾರ ರವರು ಮಾತನಾಡಿ ಅಧಿಕಾರಿಗಳು ಈಗಾಗಲೇ ಕಾರ್ಖಾನೆಗೆ ಬೇಟಿ ನೀಡಿದ್ದು,ಇಂಜಿನಿಯರಿಂಗ್ ಕೆಲಸ ನಿರ್ವಹಿಸಲು ಪರವಾನಿಗೆ ಇದ್ದು,

ಪರವಾನಿಗೆ ಇಲ್ಲದೆ ಇದೀಗ ಪೈಂಟಿಂಗ್ ಕಾರ್ಯ ನಿರ್ವಹಿಸುವುತ್ತಿರುವುದು ಕಂಡು ಬಂದಿದೆ,ಇದಕ್ಕೆ ಪರವಾನಿಗೆ ತೆಗೆದುಕೊಂಡು ಕಾರ್ಯ ನಿರ್ವಹಿಸುವಂತೆ ನೋಟಿಸ್ ಜಾರಿ ಮಾಡಿದೆ.

ಸ್ವಲ್ಪ ಸಮಯವಕಾಶ ಕೋರಿದ್ದಾರೆ.ಆದರೆ ಇಂದು ತಾನು ಮತ್ತೊಮ್ಮೆ ಭೇಟಿ ನೀಡಿ ಪರಿಶೀಲಿಸಿ ಮುಂದಿನ ಕ್ರಮ ಕೈಗೊಳ್ಳುವ ಬಗ್ಗೆ ತಿಳಿಸಿದರು.
ನಿಯೋಗದಲ್ಲಿ ಸಂದೀಪ್ ಪೂಜಾರಿ,ಸೂರಜ್ ಜೈನ್, ಮಾಜಿ ಅಧ್ಯಕ್ಷರಾದ ದಯಾನಂದ ಪೈ, ಶ್ರೀನಾಥ್ ಸುವರ್ಣ, ಸದಸ್ಯರಾದ ಎಸ್ತಿನಾ ರೋಡ್ರಿಗಸ್, ಸ್ಥಳೀಯ ಪ್ರಮುಖರಾದ ಪ್ರಸನ್ನ ಶೆಟ್ಟಿ, ಭಾರತಿ ದೇವಾಡಿಗ, ನಿರೀಕ್ಷಾ, ರೇಖಾ, ಪ್ರದೀಪ್, ಲೀಲಾ, ಪ್ರಶಾಂತ್ ಮತ್ತಿತರರು ಪ್ರತಿಭಟನೆಯಲ್ಲಿ ಪಾಲ್ಗೊಂಡರು.