ಮಂಗಳೂರು/ ಮುಂಬೈ : ಇಂದು ಕ್ರಿಕೆಟಿಗ ಕೆ.ಎಲ್‌.ರಾಹುಲ್‌ಗೆ ಜನ್ಮದಿನದ ಸಂಭ್ರಮ. ಈ ಬಾರಿ ಅವರ ಜನ್ಮದಿನ ಬಹಳ ವಿಶೇಷ. ಯಾಕಂದ್ರೆ, ಈ ಖುಷಿಯನ್ನು ದುಪ್ಪಟ್ಟು ಮಾಡಲು ಮಗಳ ಆಗಮನವಾಗಿದೆ. ಅಥಿಯಾ ಶೆಟ್ಟಿ ಮಾರ್ಚ್ 14 ರಂದು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದರು. ಮಾ. 24 ರಂದು ನಾಮಕರಣ ಕಾರ್ಯ ನಡೆದಿದ್ದು, ಇಂದು(ಎ.18) ಮಗುವಿನ ಹೆಸರು ಬಹಿರಂಗಗೊಳಿಸಿದ್ದಾರೆ ದಂಪತಿ.

ಕೆ.ಎಲ್.ರಾಹುಲ್ ಮತ್ತು ಅಥಿಯಾ ಶೆಟ್ಟಿ ಮಗಳ ಫೋಟೋದೊಂದಿಗೆ ಹೆಸರನ್ನು ಅನಾವರಣ ಮಾಡಿದ್ದಾರೆ. ರಾಹುಲ್ ಮಗುವನ್ನು ಎತ್ತಿಕೊಂಡಿದ್ದು, ಅಥಿಯಾ ಮಗುವನ್ನು ನೋಡುತ್ತಾ ಫೋಸ್ ಕೊಟ್ಟಿದ್ದಾರೆ. ಫೋಟೋದಲ್ಲಿ ಮಗುವಿನ ಮುಖ ತೋರಿಸಲಾಗಿಲ್ಲ.

ಅಂದ್ಹಾಗೆ, ಮಗಳಿಗೆ ವಿಭಿನ್ನವಾಗಿರುವ ಹೆಸರನ್ನು ಇಟ್ಟಿದ್ದಾರೆ ದಂಪತಿ.  ‘ಇವಾರಾ’ ಎಂದು ಹೆಸರಿಡಲಾಗಿದ್ದು, ‘ದೇವರ ಉಡುಗೊರೆ’ ಎಂದರ್ಥ. ಈ ಬಗ್ಗೆ ಸ್ವತಃ ದಂಪತಿ ಫೋಟೋದೊಂದಿಗೆ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ : ಒಂದೆಡೆ ಜಾಟ್2 ಚಿತ್ರ ಘೋಷಣೆ; ಮತ್ತೊಂದೆಡೆ ನಟ ಸನ್ನಿ ಡಿಯೋಲ್, ರಣದೀಪ್ ಹೂಡಾ ವಿರುದ್ಧ ಎಫ್‌ಐಆರ್!

ಅನೇಕ ಮಂದಿ ರಾಹುಲ್ ದಂಪತಿಯನ್ನು ಅಭಿನಂದಿಸಿದ್ದಾರೆ. ಸೆಲೆಬ್ರಿಟಿಗಳು, ಅಭಿಮಾನಿಗಳು ಶುಭ ಹಾರೈಸುತ್ತಿದ್ದಾರೆ. ಬಹುಕಾಲದಿಂದ ಪ್ರೀತಿಸುತ್ತಿದ್ದ ಕೆ.ಎಲ್.ರಾಹುಲ್ – ಅಥಿಯಾ ಶೆಟ್ಟಿ 2023 ರ ಜ.23 ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು.

ಬೆಳ್ತಂಗಡಿ: ಕೋಳಿ ಸಾಗಾಣಿಕೆ ವಾಹನದಲ್ಲಿ ದುಡಿಯುತ್ತಿದ್ದ ಯುವಕನೊಬ್ಬ ವಾಹನ ತೊಳೆಯುವ ಸಂದರ್ಭದಲ್ಲಿ ನೀರು ಪಾಲಾದ ಘಟನೆ ಮೈಸೂರಿನಲ್ಲಿ ನಡೆದಿದೆ.

ಬೆಳ್ತಂಗಡಿ ತಾಲೂಕಿನ ನಾವೂರು ಗ್ರಾಮದ ಕುದುರು ನಿವಾಸಿ 19 ವರ್ಷದ ಮನ್ಸೂರು ಮೃತ ದುರ್ಧೈವಿಯಾಗಿದ್ದಾರೆ. ಕೋಳಿ ಸಾಗಾಣಿಕೆ ಉದ್ದೇಶದಿಂದ ಮೈಸೂರಿನ ಟಿ ನರಸೀಪುರ ತಾಲೂಕಿನ ಬನ್ನೂರು ಎಂಬಲ್ಲಿಗೆ ಹೋಗಿದ್ದಾಗ ಈ ದುರ್ಘಟನೆ ಸಂಭವಿಸಿದೆ.

ರಾತ್ರಿ ಟಿ ನರಸೀಪುರದಲ್ಲಿ ತಂಗಿದ್ದ ಮನ್ಸೂರ್ ಹಾಗೂ ಸಹೋದ್ಯೋಗಿ ಮುಂಜಾನೆ ವಾಹನ ತೊಳೆದು ಸ್ನಾನಕ್ಕೆ ನದಿಗೆ ಇಳಿದಿದ್ದಾರೆ. ಈ ವೇಳೆ ಮನ್ಸೂರ್ ಕಾಲು ಜಾರಿ ಆಳವಾದ ಜಾಗಕ್ಕೆ ಬಿದ್ದು ಮೃತ ಪಟ್ಟಿದ್ದಾಗಿ ಬನ್ನೂರು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಮೃತದೇಹವನ್ನು ಬನ್ನೂರು ಸರ್ಕಾರಿ ಆಸ್ಪತ್ರೆಯಲ್ಲಿ ಮರಣೋತ್ತರ ಪರೀಕ್ಷೆಗೆ ತೆಗೆದುಕೊಂಡು ಹೋಗಲಾಗಿದೆ.

ಮಂಗಳೂರು/ಚೆನ್ನೈ: ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ ಆಕ್ಷನ್ ಕಟ್ ಹೇಳಿರುವ, ಶಿವರಾಜ್‌ಕುಮಾರ್, ಉಪೇಂದ್ರ ಹಾಗೂ ರಾಜ್ ಬಿ.ಶೆಟ್ಟಿ ಜೊತೆಯಾಗಿ ಕಾಣಿಸಿಕೊಳ್ಳಲಿರುವ ’45’ ಸಿನಿಮಾ ಆಗಸ್ಟ್ 15ರಂದು ಬಿಡುಗಡೆಯಾಗಲಿದೆ. ಇತ್ತೀಚೆಗೆ ಚಿತ್ರದ ಟೀಸರ್ ಬಿಡುಗಡೆಯಾಗಿದ್ದು, ಚಿತ್ರತಂಡ ಪ್ರಚಾರ ಕಾರ್ಯದಲ್ಲಿ ನಿರತವಾಗಿದೆ.

ಚಿತ್ರದ ತಮಿಳು ಆವೃತ್ತಿಯ ಟೀಸರ್‌ಅನ್ನು ಚೆನ್ನೈನಲ್ಲಿ ಬಿಡುಗಡೆ ಮಾಡಲಾಯಿತು. ರಾಯಪೇಟದ ಸ್ಥಳೀಯ ಪಿವಿಆರ್ ಸತ್ಯಂ ಥಿಯೇಟರ್‌ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ನಟ ಶಿವ ರಾಜ್‌ಕುಮಾರ್, ಉಪೇಂದ್ರ, ನಿರ್ಮಾಪಕ ರಮೇಶ್ ರೆಡ್ಡಿ ಮತ್ತು ನಿರ್ದೇಶಕ ಅರ್ಜುನ್ ಜನ್ಯ ಭಾಗವಹಿಸಿದ್ದರು.

ಈ ಕಾರ್ಯಕ್ರಮದಲ್ಲಿ ಮಾತನಾಡಿದ ಶಿವರಾಜ್‌ಕುಮಾರ್, ಚೆನ್ನೈ ಎಂದರೆ ನನಗೆ ತುಂಬಾ ಇಷ್ಟ. ನಾನು ಇಲ್ಲಿ ಹುಟ್ಟಿ, ಬೆಳೆದು, ಅಧ್ಯಯನ ಮಾಡಿದೆ ಎಂದು ಹೇಳಿದ್ದಾರೆ. ನನಗೆ ಓರ್ವ ನಟನಾಗಿ ಮೊದಲ ಅವಕಾಶ ದೊರಕಿದ್ದು ಇಲ್ಲೇ ಎಂದಿದ್ದಾರೆ.

ಇದನ್ನೂ ಓದಿ: ಒಂದೆಡೆ ಜಾಟ್2 ಚಿತ್ರ ಘೋಷಣೆ; ಮತ್ತೊಂದೆಡೆ ನಟ ಸನ್ನಿ ಡಿಯೋಲ್, ರಣದೀಪ್ ಹೂಡಾ ವಿರುದ್ಧ ಎಫ್‌ಐಆರ್!

ನಾನು ಎಂದಿಗೂ ನಾಯಕನಾಗೋಕೆ ಬಯಸಿರಲಿಲ್ಲ. ಆದರೆ, ಕಮಾಲ್ ಹಾಸನ್ ಮತ್ತು ಅಮಿತಾಭ್ ಬಚ್ಚನ್ ಅವರಂತೆ ಆಗಬೇಕೆಂದು ಬಯಸಿದ್ದೆ. ಅವರಿಬ್ಬರು ನನ್ನ ಫೇವರಿಟ್ ಎಂದು ಹೇಳಿದರು. ವಿಶೇಷವಾಗಿ ನಟ ಕಮಾಲ್ ಹಾಸನ್ ನನಗೆ ಸ್ಪೂರ್ತಿ. ನಾನೇನಾದರೂ ಹುಡುಗಿ ಆಗಿದ್ದರೆ ನಾನು ಅವರನ್ನೇ ಪ್ರೀತಿಸಿ ಮದುವೆಯಾಗುತ್ತಿದೆ. ಏಕೆಂದರೆ, ಅವರು ತುಂಬಾ ಸುಂದರವಾಗಿದ್ದಾರೆ ಎಂದು ಶಿವರಾಜ್‌ಕುಮಾರ್ ಹೇಳಿದ್ದಾರೆ.

ಇತ್ತೀಚೆಗೆ ಯುಗಾದಿ ದಿನದಂದು ಚಿತ್ರದ ಟೀಸರ್ ಬಿಡುಗಡೆಗೊಂಡು, ಮೆಚ್ಚುಗೆ ಗಳಿಸಿಕೊಂಡಿತ್ತು. ಸೂರಜ್ ಪ್ರೊಡಕ್ಷನ್ ಲಾಂಛನದಡಿ ಅದ್ದೂರಿಯಾಗಿ ಚಿತ್ರ ನಿರ್ಮಾಣಗೊಂಡಿದೆ. ವಿದೇಶಿ ತಂತ್ರಜ್ಞರನ್ನು ಬಳಸಿಕೊಂಡು ಹೊಸಬಗೆಯ ಸಿಜಿ ಕಾರ್ಯಗಳನ್ನು ಚಿತ್ರಕ್ಕಾಗಿ ಮಾಡಿರುವುದು ವಿಶೇಷ.